طبعاً سوري ع الاطالة بس اني مااعرف اختصر الكلمات
طبعاً الي صار بية يصير وية هواي بنات :(
مرة كنت طالعة وية عائلتي (لجزيرة بغداد السياحية) ذاك المكان كلش احبه لأنه ميجون هوااي نااس ولأنه كبير ,كنت احسه مثل حديقة البيت
كنا طالعين من الصبح فبوكت المغرب كنت اريد امشي وحدي من الطريق الثاني ,تعرفون اكو طريقين الاول الكل يمشي بيه وواسع والثاني لااء فارغ وبيه اشجار وهادئ وكلش حلو ..فقلت لعائلتي اريد اروح من ذاك الطريق بس محد قبل يجي وياي فرحت وحدي بدون مااخاف ,, اصلاً كنت اتمنى تصير بية مغامرة كأن اشوف جني مثلاً..فالطريق كان فارغ كل
ش كلت خل استغله و امشي ذيجة المشية ام القفزة مثل سبونج بوب لااي لااي , ففجأةً واني داامشي عثرت بغصن شجرة صغير مدري عودة صغيرة ماانتبهت لها المهم,, بس وكعت وكعة فضيعة (اطينت ههههه) وانفتح شالي واني شكد بارعة بلبس الشالات(أسوء بنية بالعالم-_-)فكنت حايرة انفض نفسي لحد ماالحمدلله وخرتته مني وبعدين كعدت احاول اسوي الشال ولاحظت اني طولت وتأخرت ع عائلتي عززة متت رعب كان اشوف من بعيد سيارة سودة بالزاوية فرحت اركض الها حتى اسوي شالي ع المراية ,, لزكت وجهي ع كل المرايات لحد ما أتأكدت انه ماكو احد بيها فسويت الشال الحمدلله بعد مرور نص ساعة تقريباً وبس بقالي احط الدنبوس كان فجاةً اشوف المراية مال باب السايق كاعد تنزل و ألله عبالي جني بس تمالكت نفسي وما صيحت لحد ما طلع واحد عمره بال20 ,, متت رعب واني دااشوفه ينزل من السيارة وديبتسم أبتسامة خبيثة كان اني باللاشعور رحت امشي بسرعة , وفجاة ااشوفه ديلحقني وماكو احد بالطريق حتى يساعدني وما صحيت حتى ماافقد توازني ,,كنت اسرع خطواتي والمحه ديستعجل همين وكان يكولي انتظري يا بينة بس اسمعيني اخذي هذا !!! آخر شي كمت اركض كأني بسباق ووكع الشال من جديد بس كان كلبي رح يوكع فعفت الشال ,, وهو الذكي بس كان يضل يركض وراي , اني كنت اتمتم بداخلي كاافي حياتي اتدمرت ..حياتي تدمرت,,,اتدمرت,, رح يختطفني اكيد ..>>> متأثرة بالهنود ,,لحد ما وصلت لمكان شفت بيه شباب وجهال ورجال ديلعبون طوبة وبحركة سريعة نزعت تك حذائي (الحمدلله كنت لابسة بوتين ) وشمرتها بقوة عليه وأصابت الهدف ع وجهه وصيحت بقوة كان اشوف المجموعة ذيجة اجتي و اصوات واجوي يلزمون الولد وكانوا حيكتلوه طبعاً كنت رح اموت من الصدمة ,, ما كدرت احجي شي ابدا ,, ضليت بس اباوع عليهم ونسيت بأني بدون حجاب , فكلت لازم اتصل بأهلي كان المح مالتي الجنطة بأيده كان يطلع الولد ديلحقني علمود يطيني جنطتي لأني وكعتها يم السيارة بدون ماانتبه كان رجال يطين ياها واني حسيت انه رجلي خدرت وانه رح يغمى عليه واعصابي كانت مشدودة ... فأخدت الجنطة وكملت طريقي وحطيت علاقة ع راسي لان ماعندي حجاب >>>كان شكلي يموت ضحك ههههه,,, فرحت ع الاستعلامات المهم رجعوا لي حجابي .. طبعاً الحلو انه اني ابين اصغر من عمري بسنتين فكان عباك عمري 13 او 14 , فمن داامشي بالطريق والناس يشوفوني كانوا يكوولولي هاا بنتي ضايعة اني كنت بلا ملامح المهم رجعنا للبيت وانتابتني نوبة ضحك فضيعة ع الي صار .. واهلي تخبلوا من الي سويته بس الحمدلله عدت القصة ع خيير
~~~~~أآلأآستفادة من أآلقصة ~~~~~
1_ لحد يمشي وحده بالمغرب او الليل
2_ الافضل الوحدة تلبس احذية رياضية بهيج طلعات
3_لازم البنية تتعلم لعبة الكرة الطائرة حتى تستفاد بهيج مواقف
واخيراً هااي النصيحة بالاخص للبنات :
حاولي تفتهمين السالفة بدل ما تطفرين مثلي مو كل الرجال سيئين
